Termini u Kundizzjonijiet

Is-suġġerimenti u l-ilmenti tiegħek huma ta’ prijorità għalina. Ma’ kull Ċentru ta’ Tagħlim għall-Adulti hemm koordinaturi assenjati. Jekk tinnota xi nuqqas fiċ-Ċentru jew qed tiltaqa’ ma’ xi diffikultajiet fil-kors tiegħek, u tixtieq tagħmel ilment jew tagħti suġġeriment, int ġentilment mitlub/a titkellem mal-Koordinatur/Koordinatriċi jew tibgħat imejl fuq: [email protected]

• Il-korsijiet li jwasslu għal-livell taċ-ĊES, Intermedju jew Avvanzat huma korsijiet ta’ reviżjoni u għaldaqstant is-sillabu jiġi koprut b’pass pjuttost mgħaġġel.
• Ladarba r-reġistrazzjoni tiegħek tkun aċċettata, int mistenni timxi mar-regoli u l-proċeduri li joħroġ id-Direttorat minn żmien għal żmien. Id-Direttorat jimxi ma’ politika ta’ tolleranza żero lejn kull forma ta’ diskriminazzjoni u diżrispett. Parteċipanti li jtellfu l-klassi bi kwalunkwe mod minħabba mġiba mhux xierqa jew li jonqsu mir-rispett dovut lejn l-edukaturi u l-istudenti l-oħra mhux se jiġu ttolerati u jitkeċċew mill-kors.
• Parteċipanti li jattendu għal xi kors mingħajr ma jkunu ħallsu għalih (fejn japplika) jiġu mitluba jirriżenjaw immedjatament.
• Id-Direttorat ma jistax jassumi responsabbiltà jekk xi edukaturi jieqfu milli jkomplu jagħtu s-servizzi tagħhom, imma jagħmel minn kollox sabiex jinstabu sostituti fl-iqsar żmien possibbli. Jekk dan ma jkunx possibbli, l-istudenti jiġu integrati ma’ klassi oħra tal-istess suġġett u livell.
• L-applikanti jistgħu japplikaw għal livell wieħed biss fl-istess suġġett.
• Il-lingwi użati għat-tagħlim fil-klassijiet fi ħdan id-Direttorat huma l-Ingliż u/jew il-Malti sakemm dan ma jkunx il-kas ta’ klassi ta’ lingwa barranija jew klassi tat-taħdit b’ilsien barrani, fejn l-istruzzjoni ssir speċifikament b’dik il-lingwa.
• L-allokazzjoni tal-edukaturi fid-diversi korsijiet issir mid-Direttorat u l-applikanti huma mgħarrfa li qed japplikaw għal suġġett speċifiku u mhux biex ikunu f’xi klassi ta’ eduka tur partikolari.
• L-edukaturi jistgħu jitolbu l-kuntatti personali tiegħek, bħal numru tal-mowbajl, sabiex ikunu jistgħu jgħarrfuk fl-iqsar żmien possibbli f’każ ta’ posponiment ta’ lezzjoni minħab ba xi emerġenza. Huwa fid-diskrezzjoni tal-parteċipanti jekk jagħtux din l-informazzjoni jew le.
• Rigward saħħa u sigurtà, l-edukaturi jistgħu jitolbu informazzjoni medika jew informazzjoni dwar il-persuna li trid tiġi kkuntattjata f’każ ta’ emerġenza. Huwa fid-diskrezzjoni tal-parteċipanti jekk jagħtux din l-informazzjoni jew le.
• Waqt li jsir kull sforz biex jingħata tagħrif preċiż dwar kull kors, id-Direttorat mhux responsabbli għal xi żball jew nuqqas ta’ informazzjoni.
• Il-korsijiet li jwasslu għal eżami uffiċjali taċ-ĊES u l-MATSEC jispiċċaw mad-datatal-eżami, tkun meta tkun.
• Jistgħu jinqalgħu każijiet partikolari mhux imsemmija f’dan il-prospett fejn id-Direttorat iżomm id-dritt li jieħu d-deċiżjoni li jidhirlu tkun l-aktar xierqa f’ċirkostanzi simili.
• Id-Direttorat iżomm id-dritt li jbiddel il-ħinijiet u l-ġranet tal-korsijiet skont in-numru ta’ applikanti u l-edukaturi disponibbli.
• In-noti tal-kors, il-materjal, l-għodda u kull forma ta’ riżorsi oħra li jiġu użat fil-proċess tat-tagħlim iridu jiġu pprovduti mill-parteċipanti minn sorsi esterni. In-noti tal-kors se jintbagħtu lill-istudenti permezz ta’ imejl.
• Il-ġbir ta’ flus mill-edukaturi sabiex jiġu koperti l-ispejjeż għar-riżorsi meħtieġa