Id-Direttorat għar-Riċerka, Tagħlim Tul il-Ħajja, u Impjegabbiltà jqis it-tagħlim bħala vjaġġ tul il-ħajja għal kulħadd. Fid-dawl ta’ dan, jorganizza korsijiet ta’ tagħlim għal individwi li għandhom aktar minn 15-il sena, biex jgħinhom jiksbu ħiliet b’mod li jkun imfassal għal ħajjithom, għall-bżonnijiet u x-xogħol tagħhom.

L-għan huwa li dawn l-adulti jaħsdu benefiċċji li mhux biss itejbu ħajjithom, iżda jarrikkixxu l-komunitajiet tagħhom, itejbu l-prospetti tagħhom ma’ min iħaddem, u jkunu ta’ benefiċċju għas-soċjetà. Madwar 8,000 student huma rreġistrati kull sena, b’tim iddedikat ta’ 150 edukatur għall-adulti li joffru aktar minn 400 kors.

Id-Direttorat juża diversi metodi ta’ tagħlim, inklużi sessjonijiet wiċċ imb’wiċċ, korsijiet li jsiru b’mod dirett z, u korsijiet li jsiru skont il-pass tal-individwu. Studenti potenzjali jingħataw l-appoġġ minn tim ta’ gwida, u ħafna mill-edukaturi jalternaw bejn l-użu tal-Malti u l-Ingliż fil-komunikazzjoni tagħhom. Fil-klassijiet tal-lingwa barranija u tal-konversazzjoni, il-lingwa li tintuża tkun il-lingwa barranija speċifika li tkun qed tiġi mgħallma. Iċ-ċentri ta’ tagħlim tagħna jinsabu fil-Blata l-Bajda, l-Imrieħel, il-Mosta, l-Imsida u r-Rabat (Għawdex).

Id-Direttorat jikkollabora wkoll mal-Kunsilli Lokali u l-Organizazzjonijiet Non-Governattivi (NGOs) biex isiru korsijiet f’diversi postijiet barra ċ-ċentri ewlenin.

Il-klassijiet għandhom perjodi speċifiċi li fihom jaċċetaw studenti prospettivi, fi Frar u Ottubru. Madankollu, korsijiet dwar ħiliet essenzjali huma organizzati s-sena kollha, skont id-domanda.

L-ammissjonijiet ta’ Frar/Marzu tipikament jibdew f’Jannar. Il-korsijiet ta’ 14-il ġimgħa huma skedati li jibdew matul l-ewwel ġimgħa ta’ Frar, filwaqt li l-korsijiet ta’ 8 ġimgħat huma skedati li jibdew fl-ewwel ġimgħa ta’ Marzu.

Id-dħul għal Ottubru jibda bi tnedija tal-programm f’Lulju, u individwi interessati jistgħu jissottomettu l-applikazzjoni tagħhom f’Lulju. u individwi interessati jistgħu jissottomettu l-applikazzjoni tagħhom f’Lulju.