Tagħlim Onlajn
Home / Korsijiet /Tagħlim Onlajn
It-tagħlim onlajn, magħruf ukoll bħala e-learning, jirreferi għal tagħlim permezz ta’ teknoloġiji diġitali u l-internet. B’differenza għal tagħlim fiżiku fil-klassi, it-tagħlim onlajn jippermetti lill-istudenti jaċċessaw materjal edukattiv, jieħdu sehem f’lezzjonijiet, u jinteraġixxu ma’ edukaturi jew sħabhom permezz ta’ spazju onlajn iddedikat għat-tagħlim tul il-ħajja, magħruf bħala eCollege.
eCollege, fil-fatt, huwa kulleġġ virtwali b’varjetà ta’ korsijiet disponibbli permezz tad-Direttorat għar-Riċerka, Tagħlim Tul il-Ħajja u Impjegabbiltà fi ħdan il-Ministeru għall-Edukazzjoni.
Permezz tal-eCollege, id-Direttorat joffri kemm korsijiet onlajn kif ukoll korsijiet b’pass personalizzat għall-istudent individwali.
A) Klassijiet diretti (synchronous)
B) Klassijiet b’ritmu personali (asynchronous)
Korsijiet onlajn li jixxandru b’mod dirett, imsejjħa wkoll ‘synchronous courses’, jeħtieġu li l-istudenti jattendu f’ħin speċifiku u jipparteċipaw f’lezzjonijiet u diskussjonijiet f’ħin reali mal-edukaturi tagħhom u parteċipanti oħra tal-kors. Il-lezzjonijiet jiġu rrekordjati sabiex l-istudenti jkunu jistgħu jirreferu għalihom meta jirrevedu. Ħafna mill-korsijiet tat-tagħlim tal-lingwi u t-titjib personali tal-karriera huma offruti bħala sessjonijiet onlajn diretti.
Biex tivverifika jekk kors speċifiku huwiex offrut onlajn, jekk jogħġbok irreferi għall-prospett jew iċċekkja fi ħdan il-kategoriji/taqsimiet magħżula tal-kors hawn taħt.
Microsoft Teams: Gwida għall-Istudenti
Servizz ta’ Reset Password ta’ Microsoft
DRLLE ONLAJN: Protezzjoni tad-Data u Drittijiet tal-Proprjetà Virtwali
Metodu ieħor ta’ tagħlim onlajn huwa magħruf bħala tagħlim b’ritmu personali, jew asynchronous learning. Dan ifisser li m’hemmx ħin fiss għal-lezzjonijiet, u l-istudenti jistgħu jlestu l-materjal tal-kors bil-pass tagħhom u fil-ħin tagħhom.
Korsijiet b’ritmu personali huma offruti permezz ta’ taqsima ddedikata fi ħdan l-eCollege ta’ Lifelong Learning, magħruf bħala Learning Box. Din hija pjattaforma onlajn li tipprovdi opportunitajiet edukattivi diġitali li huma aċċessibbli fi kwalunkwe fażi tal-proċess tat-tagħlim. Bl-użu ta’ dan il-metodu, l-istudenti jistgħu javvanzaw l-edukazzjoni tagħhom, jiksbu ħiliet ġodda, jew itejbu t-talenti tagħhom, b’mod li jkun flessibbli u mfassal għall-bżonnijiet individwali tagħhom.
Korsijiet b’ritmu personali jsiru disponibbli ladarba n-numru meħtieġ ta’ studenti jirreġistrataw għall-kors.
Applikazzjonijiet għal korsijiet b’ritmu personali jintlaqgħu bejn Ottubru u nofs Marzu. Il-parteċipanti interessati jistgħu japplikaw fi kwalunkwe ħin matul dan il-perjodu, u għandhom sal-aħħar ta’ Mejju biex itemmu l-kors, irrispettivament minn meta jagħżlu li jibdew.
Dawn li ġejjin huma l-korsijiet attwali b’ritmu personali pprovduti fuq Learning Box.
