Servizz ta’ Gwida u Appoġġ

Appoġġ strutturat huwa kruċjali għal esperjenza pożittiva ta’ tagħlim, kemm għall-istudenti adulti kif ukoll għall-edukaturi tagħhom. Peress li d-Direttorat għat-Tagħlim Tul il-Ħajja u l-Impjegabilità jagħraf din il-ħtieġa, waqqaf tim ta’ professjonisti apposta, li kapaċi jiggwidaw lill-istudenti u lill-għalliema matul il-vjaġġ kollu tat-tagħlim. L-appoġġ huwa vast: minn pariri lil studenti potenzjali li huma interessati sabiex jirreġistraw għal programm offrut mid-Direttorat, għal rakkomandazzjoni ta’ diversi tipi ta’ korsijiet provduti minn entitajiet differenti, skont l-aspirazzjonijiet u l-għanijiet tal-individwi.

It-tim ta’ gwida profiċjenti hu mgħammar biex jgħin lill-istudenti jagħmlu deċiżjonijiet infurmati tul il-vjaġġ edukattiv tagħhom. Dan jinkludi l-ħolqien ta’ pjanijiet individwalizzati u l-iżgurar li l-istudenti jiksbu l-miri stabbiliti, permezz ta’ sessjonijiet li jsegwu l-progress tagħhom. Dan jippermetti lill-istudenti jifhmu l-korsijiet li hemm disponibbli, flimkien mal-livelli u l-prerekwiżiti tagħhom. Jippermettilhom ukoll jesploraw skemi relatati mal-programmi ta’ tagħlim, u jikkunsidraw opportunitajiet flimkien mat-tim ta’ gwida.

IIt-tim ta’ gwida huwa responsabbli wkoll minn attivitajiet li huma ntiżi biex jilħqu lil studenti potenzjali fil-komunità jew fl-ambitu tagħhom. Bħalissa dan it-tim qed jibni sistema ma’ bosta entitajiet oħra,bil-għan li jilħaq kemm jista’ jkun nies. Il-gwidi professjonali jistgħu jintlaħqu permezz tad-Direttorat u l-laqgħat jistgħu jiġu stabbiliti b’mod virtwali jew wiċċ imb’wiċċ f’wieħed miċ-Ċentri tat-Tagħlim tal-Adulti f’Malta jew Għawdex imniżżlin hawn taħt, skont il-preferenza tal-istudenti. Biex tikkuntattja lit-tim ta’ gwida tagħna, Agħfas hawn biex taċċessa l-contact form.